Ղազախստանը ընդգրկվել է Ադրբեջանի խոշորագույն առևտրային գործընկերների տասնյակում

Ադրբեջանի և Ղազախստանի միջև փոխադարձ ապրանքաշրջանառության ծավալը՝ 2025 թվականի հունվար-հունիս ամիսներին կազմել է 500 միլիոն 769.81 հազար ԱՄՆ դոլար, ինչը 4.2 անգամ ավելի է՝  2024 թվականի նույն ժամանակահատվածի համեմատ։
 
Ինչպես հաղորդում է Caliber.Az-ը, այս մասին հայտնել է Մաքսային պետական կոմիտեն։
 
Վիճակագրության համաձայն, 2025 թվականի առաջին կիսամյակում՝ Ղազախստան ադրբեջանական արտադրանքի արտահանման ծավալը կրկնապատկվել է՝ կազմելով 52 միլիոն 535.79 հազար ԱՄՆ դոլար։ Արտահանման մասնաբաժինը կազմել է 0.41% (2024 թվականի հունվար-հունիս՝ 0.21%)։
 
Միևնույն ժամանակ, Ղազախստանից ներմուծման ծավալը աճել է 4.9 անգամ՝ հասնելով 448 միլիոն 234.02 հազար ԱՄՆ դոլարի։ Ներմուծման մասնաբաժինը կազմել է 3.89% (2024 թվականի հունվար-հունիս՝ 1.03%)։