Ադրբեջանն ու ԱՄԷ-ն չեղարկել են վիզային ռեժիմը

Ադրբեջանի և Արաբական Միացյալ Էմիրությունների ընդհանուր անձնագրերով քաղաքացիները՝ կկարողանան առանց վիզայի այցելել միմյանց երկրներ և այնտեղ մնալ 3 ամիս։

Caliber.Az-ը հայտնում է, որ նախագահ Իլհամ Ալիևը հաստատել է՝ «Ադրբեջանի Հանրապետության կառավարության և Արաբական Միացյալ Էմիրությունների կառավարության միջև դիվանագիտական և հատուկ ծառայողական անձնագրեր ունեցող անձանց՝ մուտքի արտոնագրերից ազատելու մասին փոխըմբռնման հուշագրի փոփոխություններին»։

Փոփոխությունների համաձայն՝ հուշագրում «դիվանագիտական» բառը փոխարինվել է «ընդհանուր քաղաքացիական, դիվանագիտական և հատուկ/պաշտոնական» բառերով։ Այսինքն՝ եթե նախկինում առանց վիզայի մուտքը վերաբերում էր միայն դիվանագիտական և հատուկ/ծառայողական անձնագրեր ունեցող անձանց, ապա փոփոխությունից հետո այն կտարածվի նաև ընդհանուր քաղացիական անձնագրեր ունեցող անձանց վրա։