Ադրբեջանում նոր տարվանից կենսաթոշակները կբարձրանան

Հաջորդ տարվանից Ադրբեջանում կբարձրացվեն բոլոր տեսակի կենսաթոշակները։

Այս մասին Caliber.Az-ին հայտնել են աշխատանքի և բնակչության սոցիալական պաշտպանության նախարարությունից։

Նախարարության կողմից պատրաստված «Աշխատանքային կենսաթոշակների մասին» օրենքում փոփոխությունների նախագծի համաձայն՝ 2023 թվականի հունվարի 1-ից կկիրառվի բոլոր տեսակի կենսաթոշակների ինդեքսավորման և բարձրացման մեխանիզմը։

Հաշվի առնելով 10%-ի չափով լրացուցիչ օգնությունը աշխատանքային կենսաթոշակառուներին, ովքեր ստանում են երկարամյա ծառայության համար նպաստ, ինչպես նաև տարվա ընթացքում այլ կենսաթոշակառուներին վճարվող 200 մանաթ նյութական օգնությունը, կենսաթոշակների ընդհանուր գումարները ինդեքսավորվելու են՝ միջին ամսական աշխատավարձի տարեկան աճի տեմպերի համապատասխան: