Ադրբեջանում սիբիրախտով հիվանդների թվի աճ է գրանցվել ՊԱՇՏՈՆԱԿԱՆ

Առողջապահության նախարարության և Տարածքային բուժհիմնարկների կառավարման միավորման (TƏBİB) մամուլի ծառայությունները հերթական համատեղ հայտարարություն են արել՝ կապված սիբիրախտի հետ կապված իրավիճակի հետ։

Ինչպես հայտնում է Caliber.Az-ը, համատեղ հայտարարության մեջ նշվում է, որ Ադրբեջանի Զագաթալայի շրջանի Ֆալդարլը գյուղի ևս երկու բնակչի մոտ սիբիրախտ է ախտորոշվել, և նրանց բուժումը շարունակվում է բժշկական արձանագրության համաձայն։

Հիվանդության բռնկումը գյուղում տեղայնացվել է, դրա համար Հիգիենայի և համաճարակաբանության կենտրոնը, Սննդի անվտանգության գործակալության տարածքային գրասենյակը, Զագաթալայի շրջանի կենդանիների առողջության և անասնաբուժական ծառայությունների վարչությունը, ինչպես նաև ոստիկանության շրջանային բաժինը ձեռնարկել են համապատասխան միջոցներ։

Նշենք, որ սիբիրախտը զոոնոզային վարակ է և չի փոխանցվում մարդուց մարդու: