Ադրբեջանցի տանկիստները մշակում են հակառակորդի վրա հարձակումը

2023 թվականի պատրաստության պլանի համաձայն՝ ադրբեջանական բանակի տանկային ստորաբաժանումներում մարտական պատրաստության պարապմունքներ են անցկացվում։

Caliber.Az-ի փոխանցմամբ՝ այս մասին հայտնել է պաշտպանության նախարարությունը։

Մինչ պարապմունքների մեկնարկը անձնակազմը տեղեկացվել է անվտանգության կանոնների մասին։

Լսվել են զեկույցներ տեղանքի մակետի վրա ընդունված որոշումների վերաբերյալ։ Այնուհետև տանկային դասակները կատարել են պաշտպանության և պայմանական հակառակորդի վրա հարձակման ժամանակ կրակի կառավարման առաջադրանքներ:

Մարտական մեքենաների վարման ընթացքում տեղանքում հաղթահարելով բնական և արհեստական խոչընդոտները՝ տանկիստները հաջողությամբ կատարել են իրենց առաջադրանքները։

Շարունակվում են զինծառայողների գիտելիքների, հմտությունների և մարտական ունակությունների բարձրացմանն ուղղված աշխատանքները։