The Washington Post-ը ներկայացնում է ուրբաթ օրվա ինտրիգը Կլինի՞ խաղաղություն Ադրբեջանի և Հայաստանի միջև

Ուրբաթ օրը ԱՄՆ նախագահ Դոնալդ Թրամփը Սպիտակ տանը կհյուրընկալի Ադրբեջանի և Հայաստանի առաջնորդներին՝ փորձելով միջնորդի դեր ստանձնել երկու երկրների միջև խաղաղության համաձայնագրի ստորագրման գործում, որոնք տասնամյակներ շարունակ հակամարտության մեջ են։

Հանդիպումը, որը The Washington Post-ին հաստատել են Սպիտակ տան երկու բարձրաստիճան պաշտոնյաներ, ԱՄՆ նախագահի կողմից միջազգային հակամարտություններին վերջ դնելու փորձերի հերթական օրինակն է։

Սպիտակ տան պաշտոնյաներից մեկը՝ նրանք երկուսն էլ գերադասել են գաղտնի պահել իրենց անունները, ասել է, որ հնարավոր է՝ Ադրբեջանի և Հայաստանի միջև խաղաղության համաձայնագրի մասին հայտարարվի այս ուրբաթ Ալիևի ու Փաշինյանի Թրամփի հետ հանդիպման ժամանակ:

Երկու առաջնորդները անցյալ ամիս հանդիպել են Արաբական Միացյալ Էմիրություններում՝ խաղաղության բանակցությունների համար, բայց այնտեղ որևէ որոշման մասին չի հայտարարվել, թեև պաշտոնյաները այս տարվա սկզբին հայտարարել էին, որ նախնական համաձայնագիր արդեն մշակվել է։

Հունիսին Թրամփը տոնեց Օվալաձև սենյակում ԱՄՆ-ի միջնորդությամբ Կոնգոյի Դեմոկրատական Հանրապետության և Ռուանդայի միջև խաղաղության համաձայնագրի ստորագրումը։