Պետեր Սիյարտոն՝ Կովկասում խաղաղության հաստատման գործում Դոնալդ Թրամփի դերի մասին

Հունգարիայի արտաքին գործերի նախարար Պետեր Սիյարտոն Վաշինգտոնում ստորագրված Ադրբեջանի և Հայաստանի միջև համատեղ հռչակագիրը անվանել է «մեծ քայլ դեպի անվտանգություն ինչպես Կովկասում, այնպես էլ աշխարհում»։

Azertac-ը հաղորդում է, որ Հունգարիայի արտաքին քաղաքական գերատեսչության ղեկավարը այս մասին գրել է սոցիալական ցանցի իր էջում։

«Դոնալդ Թրամփը կրկին ցույց տվեց, որ ինքը խաղաղության օրակարգի նախագահ է։ Հիմա մենք հույս ունենք, որ Հնդկաստանի և Պակիստանի, Իրանի և Իսրայելի, ինչպես նաև Հայաստանի և Ադրբեջանի միջև հակամարտությունների կարգավորումից հետո կավարտվի նաև Ուկրաինայի և Ռուսաստանի միջև հակամարտությունը», - նշել է Հունգարիայի արտաքին գործերի նախարարը։