Արաղչի. Բաքուն և Թեհրանը տարաձայնություններ ունեն, բայց մենք ընտրել ենք երկխոսության ուղին

Ադրբեջանն ու Իրանը ընդհանուր շահեր ունեն։
 
Report-ի փոխանցմամբ, այս մասին հայտարարել է Իրանի արտաքին գործերի նախարար Աբբաս Արաղչին՝ Բաքվում իր ադրբեջանցի գործընկեր Ջեյհուն Բայրամովի հետ համատեղ մամուլի ասուլիսում։
 
Իրանի արտաքին գործերի նախարարի խոսքով՝ Բաքու կատարած իր այցը ռազմավարական նշանակություն ունի երկկողմ հարաբերությունների հետագա զարգացման քննարկման համար։
 
«Այսօրվա բանակցությունները ընդգրկել են քաղաքական, տնտեսական, մշակութային և այլ ոլորտներ համագործակցության համար։ Ես նաև հանդիպել եմ նախագահ Իլհամ Ալիևի հետ, որի ընթացքում քննարկվել են բոլոր հիմնական հարցերը։ Մեր երկրներն ունեն բազմաթիվ ընդհանուր շահեր։ Կան նաև որոշակի տարաձայնություններ, բայց մենք մեր բոլոր փոխհարաբերություններում որպես առաջնահերթություն ընտրել ենք երկխոսության ուղին», - հայտարարել է Արաղչին։
 
Նախարարը հիշեցրել է Իրանի նախագահի այս տարի Ադրբեջան կատարած այցերը. «Մենք նաև անհամբեր սպասում ենք Իլհամ Ալիևին Իրանում»։