Շահին Մուստաֆաևը կայցելի Իրան

Ադրբեջանի փոխվարչապետ Շահին Մուստաֆաևը մտադիր է մոտ ապագայում այցելել Իրան։

Ինչպես հաղորդում է Report-ը՝ հղում անելով իրանական լրատվամիջոցներին, նա այս մասին հայտարարել է Թուրքմենբաշիում Իրանի ճանապարհների և քաղաքաշինության նախարար Ֆարզանա Սադեգիի հետ հանդիպման ժամանակ։

Հանդիպման ընթացքում Մուստաֆաևը և Սադեգին, որոնք գլխավորում են Ադրբեջանա-իրանական տնտեսական համագործակցության համատեղ հանձնաժողովը, քննարկել են երկու երկրների միջև տնտեսական և վարչական փոխգործակցության զարգացման հարցեր, մասնավորապես՝ սահմանային նախագծերի ոլորտում։