Բաքվում դատվող Լևոն Բալայանին նոր փաստաբան է նշանակվել

Օգոստոսի 4-ին շարունակվել է Հայաստանի Հանրապետության քաղաքացիներ Արայիկ Հարությունյանի, Արկադի Ղուկասյանի, Բակո Սահակյանի, Դավիթ Իշխանյանի, Դավիթ Բաբայանի, Լյովա Մնացականյանի և այլոց գործով դատավարությունը, որոնք մեղադրվում են խաղաղության և մարդկության դեմ հանցագործությունների, ռազմական հանցագործությունների, ներառյալ ագրեսիվ պատերազմ վարելու, ցեղասպանության, ահաբեկչության, ահաբեկչության ֆինանսավորման, իշխանության ապօրինի զավթման և Ադրբեջանի դեմ ուղղված այլ անօրինական գործողությունների մեջ:

Ինչպես հայտնում է AZERTAC-ը, Բաքվի զինվորական դատարանում դատավոր Զեյնալ Աղաևի նախագահությամբ տեղի ունեցած դատական նիստում մեղադրյալներից յուրաքանչյուրին տրամադրվել է թարգմանիչ՝ իրենց խոսած լեզվով, ինչպես նաև պաշտպաններ։

Տուժող Սամիր Սուլթանովը հայտնել է, որ 1994 թվականին վիրավորվել է Ֆիզուլիի շրջանում և գերի ընկել։ Նա գերի է պահվել Հայաստանի Գորիսի շրջանում և վերադարձել Ադրբեջան 1995 թվականի ապրիլի 29-ին։

Դադարից հետո դատավորը հայտարարել է, որ մեղադրյալ Լևոն Բալայանին նոր պաշտպան է նշանակվել։ Լևոն Բալայանն ասել է, որ ինքը չի առարկում դրան։

Դատավարությունը կշարունակվի օգոստոսի 7-ին։