Ալիևը միլիոններ է հատկացրել Ղարաբաղի համալսարանի համար

Ադրբեջանի նախագահ Իլհամ Ալիևը հրամանագիր է ստորագրել «Ղարաբաղի համալսարանի գործունեությունը կազմակերպելու համար ֆինանսական միջոցներ հատկացնելու մասին»։

Ինչպես հաղորդում է Caliber.Az-ը, այս մասին տեղեկությունը զետեղված է ԱՀ ղեկավարի պաշտոնական կայքում։

Փաստաթղթի համաձայն՝ Ղարաբաղի համալսարանի գործունեության կազմակերպման նպատակով 2024 թվականի պետական բյուջեով նախատեսված նախագահի պահուստային ֆոնդից Ադրբեջանի գիտության և կրթության նախարարությանը հատկացվել է 10 մլն մանաթ։