ԱՀ ԳԱԱ. Լոքբաթանի հրաբուխն ամենաակտիվներից մեկն է աշխարհում

Ադրբեջանի ԳԱԱ Երկրաբանության և երկրաֆիզիկայի ինստիտուտը տեղեկատվություն է տարածել Բաքվի Գարադաղի շրջանի Լոքբաթան բնակավայրի մոտ այսօր ցեխային հրաբխի ժայթքման կապակցությամբ։

Ինստիտուտից Caliber.Az-ին հայտնել են, որ ժայթքումը հզոր է եղել։

Նշվում է, որ հրաբխի ժայթքման ժամանակ բոց չի նկատվել. «Դեպքի վայր են մեկնել համապատասխան կառույցների աշխատակիցները։ Ուզում ենք տեղեկացնել, որ Լոքբաթանի ցեխային հրաբխի առաջին գրանցված ժայթքումը, որն աշխարհում ամենաակտիվներից է, թվագրվում է 1829 թվականին։ Մինչ այժմ հրաբուխը ժայթքել է 27 անգամ, վերջին ժայթքումը եղել է 2018 թվականին»։