Բաքվում տեղի ունեցած պայթյունի փաստով հարուցվել է քրեական գործ

Ինչպես հաղորդվել էր ավելի վաղ, 2022 թվականի ապրիլի 3-ին՝ ժամը 03:00-ի սահմաններում, պայթյուն է որոտացել Բաքվի Սաբայիլի շրջանի Թառլան Ալիյարբեկով փողոցում գտնվող գիշերային ակումբում։

Գլխավոր դատախազության մամուլի ծառայությունը հայտնում է, որ պայթյունի փաստով հարուցվել է քրեական գործ՝ ՔՕ 225.2 (հրդեհային անվտանգության կանոնները խախտելը, որն անզգուշությամբ առաջացրել է տուժողի մահ կամ այլ ծանր հետևանքներ) և 314.2 հոդվածներով:

Գլխավոր դատախազի որոշմամբ ստեղծվել է համատեղ քննչական խումբ՝ կազմված դատախազության և արտակարգ իրավիճակների նախարարության քննիչներից, քննության իրականացումը վստահվել է Գլխավոր դատախազության քննչական վարչությանը։

Հիշեցնենք, որ ապրիլի 3-ի գիշերը Բաքվի կենտրոնում գտնվող «LookationBaku» գիշերային ակումբում ուժեղ պայթյուն է որոտացել, ինչի հետևանքով 1 մարդ մահացել է, ավելի քան 30-ը վիրավորվել։