Գլխավոր դատախազ. Հայաստանի կողմից Արազդեյանում կառուցվող գործարանը լուրջ ազդեցություն կունենա Ադրբեջանի կենդանական և բուսական աշխարհի վրա

«Ներկայումս Հայաստանը 70 միլիոն դոլար արժողությամբ խոշոր մետալուրգիական գործարան է կառուցում սահմանամերձ Սադարակում՝ Արազդեյենում»։

Caliber.Az-ի փոխանցմամբ՝ այս մասին ասել է ԱՀ գլխավոր դատախազ Քյամրան Ալիևը՝ ելույթ ունենալով Նախչըվանում Ադրբեջանի և Թուրքիայի դատախազությունների միջև սահմանային համագործակցությանը նվիրված համաժողովում։

Գլխավոր դատախազը հայտարարել է, որ խոշոր մետալուրգիական գործարանի կառուցումը և Հարավային Կովկասի մեծությամբ երկրորդ գետը հանդիսացող Արազ գետ թունավոր նյութերի արտահոսքը բնապահպանական լուրջ հանցագործություն է.

«Մենք դա բազմիցս քննարկել ենք մեր թուրք գործընկերների հետ։ Արազ գետի աղտոտումն ուղղակիորեն ազդում է նաև ջրային ռեսուրսների որակի, ինչպես նաև Ադրբեջանի և այլ երկրների կենդանական ու բուսական աշխարհի վրա։ Սադարակի շրջանից ոչ հեռու կառուցվող գործարանի շահագործման արդյունքում կաղտոտվի ոչ միայն Արազ գետը։ Օդ արտանետվող թունավոր գազը բացասաբար կանդրադառնա տարածքի մթնոլորտի, կենդանական և բուսական աշխարհի վրա։ Գործարանի գործունեությունը վնասելու է շրջակա միջավայրին, էկոհամակարգին»։