Իլհամ Ալիևը ֆինանսական օգնություն է հատկացրել կրոնական կազմակերպություններին
Ադրբեջանի Հանրապետության նախագահ Իլհամ Ալիևը կարգադրություն է ստորագրել՝ «Կրոնական կազմակերպություններին ֆինանսական օգնություն տրամադրելու մասին»։
Ինչպես հայտնում է Caliber.Az-ը, այս մասին տեղեկություն է տեղադրված ԱՀ ղեկավարի պաշտոնական կայքում։
Փաստաթղթի համաձայն՝ 2023 թվականի պետական բյուջեով նախատեսված նախագահի պահուստային ֆոնդից՝ Կովկասի մահմեդականների գրասենյակին կհատկացվի 1 մլն մանաթ, 350 հազար մանաթ կհատկացվի Ռուս ուղղափառ եկեղեցու Բաքվի և Ադրբեջանի թեմին, Բաքվի լեռնային հրեաների կրոնական համայնքին՝ 350,000 մանաթ, Եվրոպայի հրեաների Բաքվի կրոնական համայնքին՝ 350 հազար մանաթ, Ադրբեջանում Կաթոլիկ եկեղեցու առաքելական պրեֆեկտուրային՝ 350 հազար մանաթ, ալբանա-ուդի քրիստոնեական կրոնական համայնքին՝ 350 հազար մանաթ։
Բացի այդ, այլ ոչ իսլամական կրոնական համայնքներին նյութական աջակցություն ցուցաբերելու նպատակով՝ նախագահը կարգադրել է 350 հազար մանաթ հատկացնել ԱՀ կրոնական կազմակերպությունների հետ աշխատանքի պետական կոմիտեին կից՝ Հոգևոր արժեքների քարոզչության հիմնադրամին:
editor@caliber.az
+994 55 444-88-98
Азербайджан, Баку, ул. Низами, 203, Af Business House, 5-й этаж