Իլհամ Ալիևը և Մեհրիբան Ալիևան մասնակցել են Շուշայում անցկացվող մի շարք միջոցառումների

Մայիսի 10-ին Ադրբեջանի նախագահ Իլհամ Ալիևը, առաջին տիկին Մեհրիբան Ալիևան և նրանց ընտանիքի անդամները Շուշա քաղաքում ծանոթացել են 23 շենքերից բաղկացած բնակելի համալիրում իրականացվող շինարարական աշխատանքներին, մասնակցել 17 շենքերից բաղկացած 2-րդ բնակելի համալիրի հիմնարկեքի արարողությանը, Հեյդար Ալիևի և Նոյեմբերի 8-ի փողոցների խաչմերուկում հուշատախտակների, «Շուշա» հյուրանոցային համալիրի և կոնգրես-կենտրոնի բացմանը, ինչպես նաև Պետական ծառայությունների կենտրոնի վերակառուցման և վերանորոգման մեկնարկին նվիրված միջոցառմանը։

Ինչպես հայտնում է Caliber.Az-ը, այս մասին ասված է ԱՀ նախագահի պաշտոնական կայքում զետեղված տեղեկատվության մեջ։ Երկրի ղեկավարը, առաջին տիկինը և նրանց ընտանիքի անդամները Շուշայում ներկա են գտնվել Հեյդար Ալիևի Հիմնադրամի կողմից վերանորոգված ստեղծագործական կենտրոնի բացմանը, ծանոթացել ծաղիկների փառատոնին և «Հեյդար Ալիևը և Ղարաբաղը» ֆոտոցուցահանդեսին, որը կազմակերպվել է Համազգային առաջնորդ Հեյդար Ալիևի 100-ամյա հոբելյանի շրջանակներում։

Այնուհետև Ադրբեջանի նախագահը, առաջին տիկինը և նրանց ընտանիքի անդամները Խուրշուդբանու Նաթավան, Զաֆար, Ղարաբաղ և Խան Շուշինսկի փողոցների խաչմերուկում մասնակցել են ցուցատախտակի բացմանը, ներկա են գտնվել նոր վերակառուցված և վերականգնված Յուխարը Գովհար Աղա մզկիթի բացմանը, ինչպես նաև «Միր Մոհսուն Նավվաբ Ղարաբաղի. 19-րդ դարի հանրագիտարանագետ» ցուցահանդեսի բացմանը:

Նախագահը և նրա ընտանիքի անդամները մասնակցել են նաև Սաաթլը մզկիթի և Գորգի ազգային թանգարանի Շուշայի մասնաճյուղի բացմանը, ծանոթացել ցուցանմուշներին և արվեստի գործերին։

Այնուհետև Ադրբեջանի նախագահն ու առաջին տիկինը մասնակցել են Շուշայի «Երկաթե բռունցք» փողոցում ցուցատախտակի բացմանը։