Լաչինում շարունակվում են անհայտ կորած ադրբեջանցի զինծառայողների որոնումները

Լաչինի շրջանի ուղղությամբ անհայտ կորած ադրբեջանցի զինծառայողներ Մամեդով Ֆարիդ Աժդար օղլուի և Աբդուլլաև Ֆիրդովսի Մայիս օղլուի որոնումները շարունակվում են, հայտնում է Caliber.Az-ը։

Report-ին հայտնի է դարձել, որ չնայած բարձրլեռնային գոտում անբարենպաստ եղանակային պայմաններին և դժվարանցանելի տեղանքին՝ իրականացվում են որոնողական աշխատանքներ՝ զինծառայողներին հայտնաբերելու ուղղությամբ։

Նշենք, որ պաշտպանության նախարարության մարտի 5-ի հաղորդագրության համաձայն՝ ադրբեջանական բանակի ժամկետային զինծառայողներ, շարքային Մամեդով Ֆարիդ Աժդար օղլուն և շարքային Աբդուլլաև Ֆիրդովսի Մայիս օղլուն, Լաչինի շրջանի մի մարտական դիրքից մյուսը շարժվելիս շեղվել են ճանապարհից՝ եղանակային պայմանների կտրուկ փոփոխության և ձնաբքի պատճառով։