Խաղաղությունը, կայունությունը, հանգստությունը, զարգացումը SPECA անդամ երկրներում, մեր ժողովուրդների մեծ ձեռքբերումն է. Իլհամ Ալիև

Երբ ստեղծվեց Կենտրոնական Ասիայի տնտեսությունների համար ՄԱԿ-ի հատուկ ծրագիրը (SPECA), դրա անդամ երկրները դեռ առաջին քայլերն էին անում որպես անկախ պետություններ։ Մենք բախվեցինք բազմաթիվ խնդիրների ու մարտահրավերների։ Անցած 25 տարիների ընթացքում հիմնական մարտահրավերները մնացել են հետևում, մենք ամրապնդել ենք մեր պետական ինքնիշխանությունը, դարձել միջազգային հանրության լիիրավ անդամ և տնտեսապես արագ զարգացել:

AZERTAC-ի փոխանցմամբ՝ այս մասին նոյեմբերի 24-ին հայտարարել է Ադրբեջանի նախագահ Իլհամ Ալիևը՝ Բաքվում, ելույթ ունենալով Կենտրոնական Ասիայի տնտեսությունների համար ՄԱԿ-ի հատուկ ծրագրի (SPECA) գագաթնաժողովում։

Պետության ղեկավարը նշել է, որ մեր երկրները միավորող գործոններից մեկն էլ քաղաքական կայունությունն է. «Եթե չկա կայունություն, ապա տնտեսական որևէ զարգացման մասին խոսք լինել չի կարող։ Այսօր աշխարհի տարբեր շրջաններում մոլեգնում են պատերազմներ, հակամարտություններ, արյունալի բախումներ։ Իսկ մեր երկրներում տիրում է խաղաղություն, կայունություն և հանգստություն, հաջողությամբ ընթանում են զարգացման և շինարարության գործընթացներ: Սա մեր պետությունների ու ժողովուրդների մեծ ձեռքբերումն ու հաջողությունն է»։