Հայաստանում ԱՄՆ դեսպանատունը հորդորում է իր քաղաքացիներին չայցելել Երևանի մի շարք վայրեր

Հայաստանում ԱՄՆ դեսպանատունը հորդորում է իր քաղաքացիներին զերծ մնալ Երևանի մի շարք վայրեր այցելելուց՝ ռումբերի մասին տեղեկությունների ֆոնին։

Caliber.Az-ը հայկական ԶԼՄ-ներին հղումով հայտնում է, որ այս մասին նշված է դիվանագիտական ներկայացուցչության կայքում։

«Տեղական իշխանությունների տվյալներով՝ շտապօգնության ծառայությունները ներկայումս հետաքննում են «Զվարթնոց» օդանավակայանում, մետրոյի բոլոր կայարաններում, քաղաքապետարանում և Ազգային ժողովում ռումբի սպառնալիքները: Խնդրում ենք խուսափել այս վայրերից և սպասել հետագա զարգացումներին»,-ասված է հաղորդագրության մեջ:

Հիշեցնենք, որ օգոստոսի 2-ին՝ ժամը 18:59-ին, Ճգնաժամային կառավարման ազգային կենտրոնում ահազանգեր են ստացվել՝ մետրոյի բոլոր կայարանների, «Զվարթնոց» օդանավակայանի, Բաղրամյան 19 հասցեում, ինչպես նաև բոլոր կարևորագույն ռազմական և քաղաքացիական օբյեկտներում ականապատման մասին։ Ավելի ուշ ԱԻՆ-ը հայտարալ է, որ մետրոպոլիտենի աշխատանքը ժամանակավորապես դադարեցվել է՝ տարածքը զննվում է, օդանավակայանում և քաղաքապետարանում ստուգման աշխատանքներն ավարտվել են, պայթուցիկ սարքեր չեն հայտնաբերվել։