Հայերը պլանավորում են սադրանք Շվեդիա-Ադրբեջան խաղում

Շվեդիայի հայ համայնքի անդամները պլանավորում են սադրանք կազմակերպել Շվեդիա-Ադրբեջան հանդիպմանը, որը կկայանա մարտի 27-ին Ստոկհոլմում՝ ֆուտբոլի Եվրոպայի առաջնության ընտրական փուլի շրջանակներում։

Այս մասին Caliber.Az-ին ասել է՝ Շվեդիայի ադրբեջանցիների կոնգրեսի նախագահ Էմիլ Միրզոևը։

Սփյուռքի ղեկավարը նշել է, որ նրան այս մասին զգուշացրել են ընկերները, ովքեր ներկայումս աշխատում են Շվեդիայի իրավապահ մարմիններում և Կոնգրեսի անդամ են. «Մեզ հայտնել են, որ ուզում են գնել Ադրբեջանի հետ խաղի տոմսեր և սադրանք կազմակերպել։ Հայերը պլանավորում են խաղին բերել պաստառներ՝ կարգախոսներով՝ ընդդեմ Խանքենդի-Լաչին ճանապարհին ադրբեջանցի էկոակտիվիստների բողոքի ցույցի»։

Էմիլ Միրզոևն ընդգծել է, որ այս հարցի հետ կապված արդեն դիմում է ուղարկվել համապատասխան կառույցներին. «Մեր դեսպան Զաուր Ահմեդովն արդեն բարձրացրել է այդ հարցը։ Շվեդիայի օրենսդրության համաձայն՝ ֆուտբոլային հանդիպման ժամանակ չի կարելի օգտագործել քաղաքական կարգախոսներ։ Այլ երկրի քաղաքացիները չեն կարող գնել մեր երկրպագուների համար նախատեսված հատվածի տոմսերը։ Մենք ցանկանում ենք, որ իրավապահ մարմինները հետևեն դրան: Խաղից մի քանի օր առաջ մենք նույնպես ցանկանում ենք այդ հարցը բարձրացնել Շվեդիայի ֆուտբոլի ֆեդերացիայում»։

Շվեդիայի ադրբեջանական կոնգրեսը լրջորեն է պատրաստվում առաջիկա խաղին. «Մեր դեսպանի աջակցությամբ մենք փորձում ենք հնարավորինս շատ մարդկանց ներգրավել հանդիպմանը։ Նախատեսում ենք ադրբեջանցի երկրպագուներով համալրել 115-րդ, 116-րդ, 117-րդ և 118-րդ հատվածները։ Մենք ունենք ներկայացուցիչներ, ասոցիացիաներ Շվեդիայի մի շարք քաղաքներում։ Կոնգրեսի անդամներ, ասոցիացիաների նախագահներ կգան մայրաքաղաք»։