Հիմնանորոգումից հետո բացվել է Բաքվի հնագույն ուղղափառ եկեղեցին ԼՈՍԱՆԿԱՐ

Ավարտվել է Ռուս Ուղղափառ Եկեղեցու Բաքվի և Ադրբեջանի թեմի հնագույն տաճարի` Սուրբ Միքայել Հրեշտակապետ եկեղեցու հիմնանորոգումը և վերակառուցումը, որը գտնվում է Բաքվի Յասամալի շրջանի Վիդադի և Զարգյարփալան փողոցների խաչմերուկում (Բեշմարթեբից ոչ հեռու):

Ինչպես Caliber.Az-ին հայտնել է Տաճարի վանահայր, ավագ քահանա Մեֆոդին (Էֆենդիև) տաճարի հիմնանորոգումն իրականացվել է Ադրբեջանի պետության աջակցությամբ։

«Աշխատանքը վստահվել է ArchiCO շինարարական ընկերությանը։ Տաճարում տեղադրվել է «տաք հատակ», հատակը երեսպատվել է ճենապակե սալերով և այլն։ Աշխատանքները շարունակվել են շուրջ երկու տարի։ Մեր հիշողության մեջ դեռ թարմ են հուշերը տաճարի անմխիթար վիճակի մասին։ Տաճարի բարեկարգման հարցի համալիր լուծում էր պետք։ Եվ Աստծո ողորմությամբ մեր աղոթքներն անպտուղ չմնացին՝ սկսվեցին վերանորոգման աշխատանքները, որոնք իրականացվեցին պետության աջակցությամբ։ Սա ևս մեկ վառ օրինակ է այն բանի, որ Ադրբեջանի քաղաքացիները, անկախ իրենց ազգային պատկանելությունից և կրոնից, հավասար են պետության առաջ և օգտվում են նույն իրավունքներից»,- ընդգծել է հայր Մեֆոդին։