Հրազենային վնասվածքից ադրբեջանական բանակի զինծառայող է զոհվել

Գուբադլիի զինվորական դատախազությունը տեղեկություն է ստացել, որ հրազենային վնասվածքի հետևանքով զոհվել է Ադրբեջանի ՊՆ N զորամասի զինծառայող Էլնուր Աղազադեն։

Ինչպես հայտնում է Caliber.Az-ը, ստացված տեղեկատվության հիման վրա դատախազությունը զննել է՝ դեպքի վայրն ու զինծառայողի դին, որպես իրեղեն ապացույց վերցրել գործի համար նշանակություն ունեցող իրեր։

Այս փաստի առթիվ Գուբադլիի զինվորական դատախազությունում՝ ԱՀ քրեական օրենսգրքի համապատասխան հոդվածով հարուցվել է քրեական գործ, հարցաքննվել են վկաներ, նշանակվել են փորձաքննություններ, կատարվել են անհետաձգելի քննչական գործողություններ։

Ներկայումս նախաքննությունը շարունակվում է, բոլոր միջոցները կձեռնարկվեն օրենքի պահանջներին համապատասխան։