Մամուլ. Փաշինյանն ուզում է որոշ նախարարների հեռացնել, բայց փոխարինողներ չի գտնում

ՀՀ վարչապետ Նիկոլ Փաշինյանը մտադիր է ազատվել մի շարք անգործունյա նախարարներից, բայց, արի ու տես, Փաշինյանի կադրային պահեստն այնքան սնանկ է, փորձառու մասնագետներ չկան, որ փոխարինողներ չի գտնում:

Caliber.Az-ի փոխանցմամբ՝ այս մասին գրում է «Ժողովուրդ» թերթը:

Թերթի տեղեկություններով՝ Փաշինյանը ցանկացել է օրենսդիրից պատգամավորներին բերել գործադիր, անգամ նրանց առաջարկել է այս կամ այն նախարարի պաշտոնը, բայց ՔՊ-ական պատգամավորները տարբեր պատճառաբանություններով մերժել են՝ փորձելով նաև չբարկացնել Փաշինյանին:

«Տեղեկացանք նաև, որ պատճառն էլ այն է, որ պատգամավորները չեն ցանկանում Փաշինյանի անմիջական վերահսկողության տակ լինել ու խուսափում են նրա հետ ամենօրյա անմիջական առերեսումներից:

Բացի սա, ինչպես մեզ հայտնեցին, ՔՊ-ականներն իրենց հարմարավետ են զգում խորհրդարանում, ավելի «պրեստիժ» են համարում պատգամավորի պաշտոնը, դրա համար էլ չեն ցանկանում տեղափոխվել գործադիր», - գրում է «Հրապարակ»-ը։