Մամուլի խորհուրդը կոչ է արել պաշտպանել ադրբեջանցի լրագրողին

Ադրբեջանի մամուլի խորհուրդը կոչ է արել աշխարհի առաջատար լրագրողական համայնքներին և կազմակերպություններին, որոնք զբաղվում են մարդու իրավունքների և ազատությունների պաշտպանությամբ, խստորեն դատապարտել Ֆրանսիայի փորձերը՝ սահմանափակելու Ադրբեջանի պետական լրատվական գործակալության (AZERTAC) աշխատակից Այգուն Հասանովայի գործունեությունը:

Ինչպես հաղորդում է Caliber.Az-ը, այս մասին ասվում է Խորհրդի հայտարարության մեջ։

Նշվում է, որ միջադեպը, որի ժամանակ փորձել են խոչընդոտել AZERTAC-ի աշխատակից Այգյուն Հասանովայի՝ Գերմանիայի Բոնն քաղաքում սեմինարի մասնակցելուն ու նրա մուտքը Շենգենյան գոտի, պատվիրել է Ֆրանսիան։ Սա ոչ այլ ինչ է, քան իրավական նորմերի խախտում և խոսքի և ազատ արտահայտվելու սահմանափակում, ընդգծել են Խորհրդում։

«Խորհրդի դիրքորոշումն այն է, որ Եվրոպայի կենտրոնում լրագրողի նկատմամբ նման քաղաքական մոտեցում կիրառելու փորձը, հավանաբար, բացասական նախադեպ կստեղծի։ Ուստի անհրաժեշտ է դիմադրություն ձևավորել, որպեսզի նման դեպքերը չկրկնվեն»,- ասվում է տեքստում։