Միքայիլ Ջաբբարով. Հարկերի ավելի քան 80 տոկոսը բաժին է ընկնում մասնավոր հատվածին

Ադրբեջանում հարկերի հավաքագրման ավելի քան 80%-ը բաժին է ընկնում մասնավոր հատվածին։

Ինչպես հայտնում է Caliber.Az-ը, այս մասին Բաքվում՝ տնտեսության նախարարության, Փոքր և միջին բիզնեսի զարգացման գործակալության (KOBİA), Ձեռնարկատերերի կազմակերպությունների (գործատուների) ազգային համադաշնության կողմից կազմակերպված՝ «Հեյդար Ալիևը և Ադրբեջանում ձեռներեցության զարգացումը» թեմայով համաժողովում ասել է՝ տնտեսության նախարար Միքայիլ Ջաբբարովը։

«Կայուն զարգացող Ադրբեջանում մասնավոր հատվածի ուժեղացումը մշտապես գտնվում է սոցիալ-տնտեսական զարգացման ռազմավարության կենտրոնում, և այդ ոլորտում համակարգված աշխատանք է տարվում։ 2022 թվականին պետական բյուջեի հարկային եկամուտներն աճել են 82%-ով և կազմել 15,5 մլրդ մանաթ։ Սա բացարձակ ռեկորդային գումար է մեր անկախության ժամանակաշրջանի համար»,- ասել է նա։