Ադրբեջանը և ԱՄՀ-ն քննարկել են տնտեսական դիվերսիֆիկացիայի հարցերը

Ադրբեջանը բանակցություններ է վարել Արժույթի միջազգային հիմնադրամի (ԱՄՀ) հետ հարկային բարեփոխումների վերաբերյալ։
 
Ինչպես հաղորդում է Caliber.Az-ը, այս մասին X սոցիալական ցանցում իր էջում գրել է  տնտեսության նախարար Միխայիլ Ջաբարովը։
 
Քննարկումները տեղի են ունեցել՝ Ադրբեջանում Արժույթի միջազգային հիմնադրամի առաքելության ղեկավար Աննա Բորդոնի հետ հանդիպման ժամանակ։
 
«Միջազգային ֆինանսական հաստատությունների հետ գործընկերությունը կարևոր  նշանակություն ունի՝ մեր երկրում կայուն տնտեսական զարգացման մոդելի աջակցության համար։ Մենք քննարկել ենք համագործակցության առաջնահերթությունները, Ադրբեջանի մակրոտնտեսական ցուցանիշներն ու կանխատեսումները, ինչպես նաև տնտեսական դիվերսիֆիկացիայի հարցերը», - ասվում է հրապարակման մեջ։