Ադրբեջանը կիրառում է չինական փորձը՝ էներգիայի երկարաժամկետ պահպանման ոլորտում

Ադրբեջանը և չինական Universal Energy ընկերությունը մտքեր են փոխանակել՝ կանաչ էներգիայի արտահանման նախագծերում էներգիայի երկարաժամկետ պահպանման տեխնոլոգիաների կիրառման վերաբերյալ։
 
Report-ի փոխանցմամբ՝ էներգետիկայի նախարար Փարվիզ Շահբազովը այս մասին գրել է X-ի սոցիալական ցանցի էջում։
 
Այցով Ադրբեջանում գտնվող Universal Energy-ի նախագահ Նան Իի հետ հանդիպմանը  քննարկումներ են տեղի ունեցել՝ Ադրբեջանի առաջին վերականգնվող էներգիայի աճուրդի նախագծի՝ 100 ՄՎտ հզորությամբ Գոբուստանի արևային էլեկտրակայանի իրականացման վերաբերյալ։
 
«Մենք մտքեր ենք փոխանակել՝ կայանի շինարարության ընթացքի, համագործակցության և հնարավորությունների ընդլայնման, ինչպես նաև ընկերության երկարաժամկետ և անվտանգ էներգիայի պահպանման տեխնոլոգիաների փորձի վերաբերյալ։ Առաջին  պանելի այսօրվա տեղադրումը և շինարարական աշխատանքների ընդհանուր առաջընթացը բարձր են գնահատվել», - գրել է Շահբազովը։
 
Զրույցի ընթացքում նաև քննարկվել են՝ Universal Energy-ի հետ համագործակցության ընդլայնման հնարավորությունները։ Ուսումնասիրվել են ժամանակակից արևային էներգիայի տեխնոլոգիաների կիրառման հեռանկարները, ինչպես նաև ընկերության փորձը երկարաժամկետ և անվտանգ էներգիայի պահպանման տեխնոլոգիաների, ինչպիսիք են  վանադիումի մարտկոցները, և այս տեխնոլոգիայի կիրառման հնարավորությունները կանաչ էներգիայի արտահանման նախագծերում։