Ադրբեջանն ու Վրաստանը ընդլայնում են գյուղատնտեսական ոլորտում համագործակցությունը. ստեղծվել է աշխատանքային խումբ

Վրաստանն ու Ադրբեջանը կստեղծեն աշխատանքային խումբ՝ գյուղատնտեսության ոլորտում համագործակցությունը ընդլայնելու համար։

Report-ի փոխանցմամբ, համաձայնությունը ձեռք է բերվել՝ Վրաստանի շրջակա միջավայրի պաշտպանության և գյուղատնտեսության նախարար Դավիթ Սոնգուլաշվիլիի և գյուղատնտեսության նախարար Մեջնուն Մամեդովի գլխավորած ադրբեջանական պատվիրակության հետ հանդիպման ժամանակ։
 
Կողմերը քննարկել են համագործակցության հեռանկարները, այդ թվում՝ առևտրատնտեսական կապերի զարգացումը, պարենային անվտանգության հարցերը, ինչպես նաև անասնաբուժական և բուսասանիտարական ոլորտում համագործակցությունը։
 
Հանդիպման արդյունքներով որոշում է կայացվել ստեղծել համատեղ աշխատանքային խումբ՝ գյուղատնտեսության և սննդի ոլորտներում ջանքերն ավելի արդյունավետ համակարգելու համար։