Ադրբեջանն ու Էստոնիան քննարկել են հարկային վարչարարության ոլորտում համագործակցության ընդլայնման հարցերը

Էստոնիայի հարկային և մաքսային խորհրդի գլխավոր տնօրենի տեղակալ Յանեկ Ռոզովը աշխատանքային այցով ժամանել է Ադրբեջան։
 
Ինչպես հաղորդում է Caliber.Az-ը, այս մասին հայտարարել է Ադրբեջանի  տնտեսության նախարարությանը կից հարկային պետական ​​ ծառայությունը։
 
Այցի ընթացքում Ռոզովը մի քանի հանդիպումներ է անցկացրել ​​հարկային պետական ծառայությունում, որոնց հիմնական նպատակն էր՝ հարկային վարչարարության, թվային ծառայությունների ներդրման և նորարարական կառավարման մոդելների մշակման ոլորտում՝ Ադրբեջանի և Էստոնիայի միջև համագործակցության հետագա ընդլայնումը։
 
 «Հանդիպումների ընթացքում մանրամասն քննարկումներ են տեղի ունեցել՝ Էստոնիայի համաշխարհային ճանաչում ունեցող թվային կառավարման էկոհամակարգի, հարկային վարչարարության գործընթացների ավտոմատացման, իրական ժամանակում տվյալների մշակման, սահմանային տեղեկատվության փոխանակման և նոր սերնդի վերլուծական լուծումների կիրառման փորձի վերաբերյալ։ Կողմերը քննարկել են նաև՝ համատեղ նախագծերի, փոխադարձ ինտեգրման և համագործակցության ձևաչափերի հեռանկարները», - նշվում է տեղեկատվության մեջ։