ԱԵ. Ադրբեջանի կառավարությունը լուրջ է վերաբերվում կլիմայի փոփոխությանը

Դեկտեմբերի 5-ին՝ «Ադրբեջանական երկաթուղիներ» (ԱԵ)  ՓԲԸ-ն ապաածխածնացման նախագծի շնորհանդես է  անցկացրեց՝ Ասիական զարգացման բանկի (ԱԶԲ) հետ գործընկերության շրջանակներում։
 
Ինչպես հայտնում է Ազերթաջ-ը, միջոցառմանը ելույթ ունեցող, Ասիական զարգացման բանկի Ադրբեջանի գծով տնօրեն Սուննիա Դուրանի-Ջամալը հայտարարել է, որ հաշվի առնելով Ադրբեջանի կառավարության կողմից իրականացվող ապաածխածնացման քաղաքականության նպատակահարմարությունը, ԱԶԲ-ն որոշել է շարունակել համագործակցությունը։
 
«Ադրբեջանի՝ արտանետումները 40 տոկոսով կրճատելու նպատակը ցույց է տալիս, թե որքան լուրջ է կառավարությունը վերաբերվում կլիմայի փոփոխությանը՝ այն համարելով առաջնահերթային հարց։ Մենք կաջակցենք այս ոլորտում Ադրբեջանի կողմից իրականացվող միջոցառումներին», - ասել է Սուննիա Դուրանի-Ջամալը՝  ԱԶԲ--ի հետ համատեղ ապաածխածնացման նախագիծը անվանելով եզակի, ներառյալ երկաթուղիների թվայնացումը, դրանց էլեկտրաֆիկացումը և այլն։
 
«Մենք ուշադիր հետևում ենք ընթացիկ ապաածխածնացման և կլիմայի փոփոխության մեղմացման միջոցառումներին, աջակցում ենք դրանց իրականացմանը և տեխնոլոգիական առաջընթացին, և ձգտում ենք ներդնել նոր տեխնոլոգիաներ», - ասել է ԱԶԲ-ի Ադրբեջանի գծով տնօրենը՝ ընդգծելով, որ այսօրվա միջոցառումը հանդիսանում է ոչ միայն նոր նախագծի ներկայացում, այլև հիմք է դնում ազգային տնտեսության մեջ նոր ուղղության համար։