Ադրբեջանն ու Հորդանանը մի շարք փաստաթղթեր են ստորագրել

Բաքվում մի շարք փաստաթղթեր են ստորագրվել՝ Ադրբեջանի և Հորդանանի միջև առևտրային, տնտեսական և տեխնիկական համագործակցության միջկառավարական հանձնաժողովի 4-րդ նիստի արդյունքներով։
 
Report-ի փոխանցմամբ, համանախագահներ՝ Ադրբեջանի ֆինանսների նախարար Սահիլ Բաբաևը և Հորդանանի արդյունաբերության, առևտրի և մատակարարման նախարար Յարուբ Ալ-Քուդան, միջկառավարական հանձնաժողովի 4-րդ նիստի արդյունքներով արձանագրություն են ստորագրել, ինչպես նաև՝ գիտության և կրթության, մշակույթի և արվեստի, երիտասարդության և սպորտի, հնագիտության, առողջապահության և լրատվամիջոցների ոլորտներում 2025-2027 թվականների համագործակցության գործադիր ծրագիրը։
 
Բացի այդ, երկու կողմերի համապատասխան գերատեսչությունների լիազոր ներկայացուցիչները ստորագրել են՝ Ադրբեջանի և Հորդանանի կառավարությունների միջև մաքսային ոլորտում համագործակցության և փոխօգնության մասին համաձայնագիր, զբոսաշրջության ոլորտում համագործակցության մասին փոխըմբռնման հուշագիր՝ Պետական ​​​​զբոսաշրջության գործակալության և Հորդանանի զբոսաշրջության և հնությունների նախարարության միջև, Զբոսաշրջության ոլորտում համագործակցության գործադիր ծրագիր, Ադրբեջանի փոքր և միջին ձեռնարկությունների զարգացման գործակալության (KOBİA) և Հորդանանի փոքր և միջին ձեռնարկությունների զարգացման կորպորացիայի (JEDCO) միջև փոխըմբռնման հուշագիր:
 
Եզրափակելով՝ համանախագահները ընդգծել են, որ հանձնաժողովի 4-րդ նիստում համաձայնեցվել են՝ առևտրի, ներդրումների, արդյունաբերության, էներգետիկայի, տրանսպորտի, կրթության, մշակույթի և այլ ոլորտներում համագործակցության կոնկրետ ոլորտներ, և ստորագրվել է համապատասխան արձանագրություն։ Նշվել է, որ բազմաթիվ ոլորտներում ձեռք բերված առաջընթացը հաստատում է հարաբերությունների ռազմավարական բնույթը և անհրաժեշտ է դարձնում համագործակցության առկա ներուժի հետագա ընդլայնումը։