Բաքվում քննարկվել են՝ ԱՀ-ի պաշտպանության և հարձակողական նպատակներով կիրառման միտումները

Նոյեմբերի 25-26-ը Բաքվում ՝«Արհեստական ​​բանականությունը կիբերանվտանգության մեջ» թեմայով միջազգային սեմինար է անցկացվել, որը կազմակերպվել է Ադրբեջանի արտաքին գործերի նախարարության կողմից։
 
Ինչպես Trend-ին հայտնել են Արտաքին գործերի նախարարությունից, սեմինարի նպատակն է՝ մեր երկրի համապատասխան գերատեսչությունների ներկայացուցիչների շրջանում բարձրացնել իրազեկվածությունը արհեստական ​​բանականության և կիբերանվտանգության ոլորտի հետ կապված հարցերի վերաբերյալ՝ ՆԱՏՕ-ի համապատասխան կառույցների,  ինչպես նաև Դաշինքի անդամ պետությունների և գործընկերների մասնագետների մասնակցությամբ։
 
Միջոցառման ընթացքում քննարկումներ են ծավալվել այնպիսի թեմաների շուրջ, ինչպիսիք են՝ արհեստական ​​բանականության դերը թվային ենթակառուցվածքների անվտանգության ապահովման գործում, պաշտպանական և հարձակողական նպատակներով արհեստական ​​բանականության կիրառման միտումները, ինչպես նաև արհեստական ​​բանականության կարևորությունը՝ կիբերսպառնալիքների լայն շրջանակի, այդ թվում՝ վնասակար ծրագրերի և տեղեկատվական գործողությունների կանխարգելման գործում։