Բաքվում քննարկում են միջազգային տրանսպորտային միջանցքների զարգացումը

Բաքվում տեղի է ունենում Անկախ Պետությունների Համագործակցության (ԱՊՀ) Երկաթուղային տրանսպորտի խորհրդի 83-րդ նիստը։

Ըստ APA-ի՝ միջոցառմանը մասնակցում են Ադրբեջանի, Ռուսաստանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի, Ուզբեկստանի, Վրաստանի, Իրանի, Հայաստանի, Լատվիայի և Էստոնիայի երկաթուղային վարչությունների ղեկավարները, ինչպես նաև Երկաթուղիների համագործակցության կազմակերպության, ԱՊՀ գործադիր կոմիտեի և Երկաթուղային աշխատողների արհմիությունների միջազգային կոնֆեդերացիայի ներկայացուցիչները։

Նիստում քննարկվում են ԱՊՀ երկաթուղային ցանցի 2025 թվականի առաջին ինը ամիսների աշխատանքը, միջազգային փոխադրումների համար նախատեսված բեռնատար և կոնտեյներային գնացքների ձևավորումը, միջազգային տրանսպորտային միջանցքների զարգացումը, միջազգային բեռնափոխադրումների 2026 թվականի սակագնային քաղաքականությունը և այլ հարցեր։