Ադրբեջանի գյուղատնտեսության նախարարը ժամանել է Վրաստան

Ադրբեջանի գյուղատնտեսության նախարար Մաջնուն Մամեդովի գլխավորած պատվիրակությունը պաշտոնական այցով գտնվում է Վրաստանում։

Ինչպես հաղորդում է Caliber.Az-ը՝ հղում անելով գյուղատնտեսության նախարարությանը, այցի ընթացքում նախարարը կհանդիպի Վրաստանի շրջակա միջավայրի պաշտպանության և գյուղատնտեսության նախարար Դավիթ Սոնգուլաշվիլիի, կրթության, գիտության և երիտասարդության նախարար Գիվի Միկանաձեի և Վրաստանի խորհրդարանի ագրարային հարցերով հանձնաժողովի նախագահ Գելա Սամխարաուլիի հետ։

Երկու երկրների պատվիրակությունների մասնակցությամբ հանդիպումների ժամանակ նախատեսվում է քննարկել գյուղատնտեսական ոլորտում համագործակցության ընդլայնման հետ կապված արդիական հարցեր։

Նախատեսվում է նաև ադրբեջանական պատվիրակության այցը գյուղատնտեսական արտադրանքի վերամշակման տնտեսություններ և ձեռնարկություններ։