Նախարար. Ադրբեջանում սոցիալական նպաստներն ու կենսաթոշակները հնգապատկվել են

2018-2025 թվականներին Ադրբեջանում նվազագույն կենսաթոշակն աճել է 2.9 անգամ՝ 110-ից հասնելով 320 մանաթի։

Report-ի փոխանցմամբ՝ այս մասին հայտարարել է աշխատանքի և բնակչության սոցիալական պաշտպանության նախարար Անար Ալիևը Միլլի մեջլիսի նիստում «Պետական սոցիալական պաշտպանության հիմնադրամի 2026 թվականի բյուջեի մասին» և «Գործազրկության ապահովագրության հիմնադրամի 2026 թվականի բյուջեի մասին» օրենքների նախագծերի երկրորդ ընթերցման շրջանակներում քննարկումների ժամանակ։

«Ներկայումս նվազագույն կենսաթոշակի և նվազագույն աշխատավարձի հարաբերակցությունը կազմում է 80%։ Միջին ամսական կենսաթոշակը 2.6 անգամ աճել է։ Սա նշանակում է, որ մենք երեք խմբերի (տարիքային, հաշմանդամության և կերակրողի կորստի) ընդհանուր կենսաթոշակը 208-ից բարձրացրել ենք մինչև 540 մանաթի։ Մենք տեսնում ենք, որ միջին ամսական աշխատանքային կենսաթոշակն աճել է 2.5 անգամ՝ 234-ից հասնելով 575 մանաթի», - ասել է նա։