Ադրբեջանը, Հայաստանը և Վրաստանը Ռուսաստանից մակարոնի խոշորագույն տասը ներմուծողների շարքում են

Ադրբեջանը, Հայաստանը և Վրաստանը ռուսական մակարոնի խոշորագույն տասը ներմուծողների շարքում են։ Այս մասին են վկայում ՌԴ գյուղատնտեսական արտադրանքի արտահանման զարգացման դաշնային կենտրոնի (Ագրոէքսպորտ) տվյալները:

Նշվում է, որ 2025 թվականի առաջին ինը ամիսներին Ռուսաստանը արտահանել է ավելի քան 100 000 տոննա մակարոն՝ 154 միլիոն դոլար արժողությամբ։ Սա 21 տոկոսով ավելի է, քան նախորդ տարվա նույն ժամանակահատվածում։

Մակարոնեղենի խոշորագույն ներմուծողները ավանդաբար մերձավոր արտասահմանի երկրներն են։ Առաջին տասնյակում են՝ Բելառուսը, Ղազախստանը, Ուզբեկստանը, Վրաստանը, Ադրբեջանը, Թուրքմենստանը, Հայաստանը, Ղրղզստանը, Տաջիկստանը և Մոնղոլիան։

«Մակարոնեղենը և լապշան հիմնական սննդամթերքների շարքում են ինչպես հետխորհրդային տարածությունում, այնպես էլ հեռավոր արտասահմանի շատ երկրներում։ Այս գործոնը, ինչպես նաև ռուսական շուկայի բարձր հագեցվածությունը, երկրում ժամանակակից արտադրական հզորությունների առկայությունը արտահանման հնարավորություններ է ստեղծում տեղական արտադրանքի համար», - նշել է «Ագրոէքսպորտ»-ի դաշնային կենտրոնի ղեկավար Իլյա Իլյուշինը։