Ե՞րբ է մեկնարկելու Զանգեզուրի միջանցքի Նախչըվանով անցնող երկաթուղային հատվածի շինարարությունը

Զանգեզուրի միջանցքի Նախչըվանով անցնող երկաթուղային հատվածի վերականգնման նախագծումը մոտենում է ավարտին, և շուտով կմեկնարկի շինարարության փուլը:

Report-ի փոխանցմամբ՝ այս մասին հայտարարել է թվային զարգացման և տրանսպորտի նախարար Ռաշադ Նաբիևը ԱՊՀ երկաթուղային տրանսպորտի խորհրդի 83-րդ նիստում։

Նրա խոսքով՝ տարեկան շուրջ 15 միլիոն տոննա բեռնափոխադրման հզորությամբ Զանգեզուրի միջանցքի շինարարությունն Ադրբեջանում ներկայումս շարունակվում է ակտիվ տեմպերով. «Հորադիզ-Աղբենդ երկաթուղու շինարարությունը կավարտվի 2026 թվականին։ Միաժամանակ, Ադրբեջանն աշխատում է Նախչըվանով անցնող մոտ 200 կմ երկարությամբ երկաթուղային հատվածի վերականգնման վրա։ Մենք ավարտում ենք այս մայրուղու նախագծումը և շուտով կսկսենք շինարարությունը։ «Ադրբեջանական երկաթուղիները» մի քանի օրից կսկսեն այս նախագծի իրականացումը»։

Հորադիզ-Աղբենդ երկաթուղային գիծը Զանգեզուրի միջանցքի մաս է կազմում։ Այս գիծը կխթանի Ղարաբաղի և Արևելյան Զանգեզուրի տնտեսական զարգացումը, վերջ կդնի Նախչըվանի տրանսպորտային շրջափակմանը և կդառնա Եվրոպան և Ասիան կապող հերթական «երկաթե կամուրջ»։