Նախարար. Ադրբեջանը եկամտային հարկը կրճատում է 50 տոկոսով

Ադրբեջանը ներդնում է արտոնյալ եկամտային հարկի ռեժիմ՝ 50%-ով նվազեցնելով հարկի դրույքաչափը։

Report-ի փոխանցմամբ՝ այս մասին հայտարարել է ֆինանսների նախարար Սահիլ Բաբաևը։

 «Եթե օրենքում նոր փոփոխությունները չլինեին, ապա մինչև 2500 մանաթ եկամուտները կհարկվեին 14% դրույքաչափով, իսկ 2500 մանաթից բարձր եկամուտները՝ 25% դրույքաչափով։ Սակայն, Ադրբեջանի կառավարությունը, կրկին հաշվի առնելով մասնավոր և ոչ նավթագազային հատվածների զարգացումը, ներդնում է ևս մեկ արտոնյալ ռեժիմ՝ հարկը 14%-ից իջեցնելով մինչև 7%։

Ընդ որում, մենք այս հարկը ներդնում ենք աստիճանաբար։ Սա նշանակում է, որ 2026 թվականին մինչև 2500 մանաթ եկամուտ ունեցող անձանց՝ աշխատողների ճնշող մեծամասնության կողմից վճարվող եկամտային հարկը կկազմի ընդամենը 3%։ Եվ ես կրկին դիմում եմ իմ հարգարժան գործընկերներին, խորհրդարանի անդամներին և փորձագետներին. թող ուսումնասիրեն ցանկացած երկրի հարկային ռեժիմը և տեսնեն, թե քանիսն ունեն 3% եկամտային հարկ։ Սա շատ նշանակալի զիջում է և Ադրբեջանի կառավարության կողմից ընձեռնված հերթական արտոնությունը մասնավոր հատվածի զարգացման համար», - նշել է նախարարը։