Թուրք նախարար. Նախչեվանում և Ղարաբաղում իրականացվող նախագծերը կամրապնդեն երկու եղբայրական երկրների տնտեսությունը

Այսօր Թուրքիայի էլեկտրաէներգիայի կարիքների մոտ 50%-ը բավարարվում է վերականգնվող էներգիայի աղբյուրների միջոցով։
 
Ինչպես հաղորդում է Report-ը, այս մասին Նախչըվանում միջազգային երկրաբանա-հանքային ֆորումում հայտարարել է՝ Թուրքիայի էներգետիկայի և բնական պաշարների փոխնախարար Աբդուլլահ Թանջանը։
 
 «Էներգետիկ անցման հաջողությունը կախված է ոչ միայն տեխնոլոգիաներից, այլև այդ տեխնոլոգիաները հնարավոր դարձնող ռազմավարական օգտակար հանածոներից։ Հետևաբար, երկրաբանական հետախուզական աշխատանքները, պաշարների որոշումը և Նախչըվանի հետ համատեղ իրականացվելիք ներդրումային նախագծերը առանձնահատուկ նշանակություն ունեն», - ասաել է փոխնախարարը։
 
Նա նշել է, որ Թուրքիան և Ադրբեջանը, այդ թվում՝ Նախչըվանը, գտնվում են Ալպյան-Հիմալայան օրոգեն գոտում, որը աշխարհի հիմնական մետաղագեն գոտիներից մեկն է։

«Այս գոտին բնութագրվում է օգտակար հանածոների հարուստ հանքավայրերով, և զարմանալի չէ, որ շարունակական հետախուզական աշխատանքների արդյունքում նոր հանքավայրեր են հայտնաբերվում: Վստահ եմ, որ մեր համատեղ ջանքերը չափազանց կարևոր արդյունքներ կբերեն ինչպես մեզ, այնպես էլ Ադրբեջանի համար: Այս գործընթացում, թերևս, ամենակարևոր քայլը կլինի՝ Նախչըվանում իրականացվելիք նախագիծը: Նախագծի շրջանակներում  սկսվում են դաշտային աշխատանքները, այնուհետև կշարունակվի հորատման և հետախուզման փուլերը», - ասել է նա: