Պատրաստվել է Արևմտյան Ադրբեջանի էլեկտրոնային քարտեզը

Պատրաստվել է Արևմտյան Ադրբեջանի էլեկտրոնային քարտեզը, որն արտացոլում է բնօրինակ աշխարհագրական անվանումները։

Ինչպես հաղորդում է Caliber.Az-ը, այս մասին հայտարարել է՝ Արևմտյան Ադրբեջանի համայնքի վարչության նախագահ, Միլլի Մեջլիսի (խորհրդարան) անդամ, փիլիսոփայության դոկտոր Ազիզ Ալեքպերլին, խորհրդարանում անցկացվող՝ «Արևմտյան Ադրբեջանի տեղանունները. պատմության խեղաթյուրումից մինչև արդարության վերականգնում» թեմայով հասարակական լսումների ժամանակ:

«Վերջին 200 տարիների ընթացքում հայերը էթնիկ զտումներ են իրականացրել։ Հայերը միշտ կողմնակալ դիրքորոշում են ցուցաբերել ադրբեջանական և թուրքական ծագում ունեցող տեղանունների նկատմամբ։ Արևմտյան Ադրբեջանում՝ ներկայիս Հայաստանում, թուրքական ծագում ունեցող տեղանունների երկարաժամկետ հայկականացումն ապացուցված է փաստերով։ Հայերը նպատակ են ունեցել ջնջել ադրբեջանցիների հետքերը այս հողերի վրա»,- ասել է նա։

Ա.Ալեքպերլին նշել է, որ Հայկական ԽՍՀ 1978 թվականի հունվարի 25-ի հրամանագրով վերանվանվել է 93 բնակավայր։

Նշելով, որ այդ տեղանունների փոփոխությունը հակասում է օրենքին, Ա.Ալեքպերլին աել է, որ պատրաստվել է Արևմտյան Ադրբեջանի էլեկտրոնային քարտեզը։

Նրա խոսքով՝ քարտեզն արտացոլում է բնօրինակ աշխարհագրական անվանումները։