Ջեյհուն Բայրամովը Իգոր Խովաևի հետ քննարկել է «3+3» ձևաչափով հանդիպման արդյունքները
Ադրբեջանի արտգործնախարար Ջեյհուն Բայրամովն ընդունել է՝ ադրբեջանա-հայկական հարաբերությունների կարգավորման հարցերով ՌԴ ԱԳ նախարարի հատուկ ներկայացուցիչ Իգոր Խովաևին։
Ինչպես Caliber.Az-ին հայտնել են արտաքին գործերի նախարարությունից, հանդիպմանը քննարկվել են՝ Ադրբեջանի և Հայաստանի միջև խաղաղ գործընթացի հեռանկարները, ներկա իրավիճակը և տարածաշրջանում վերջին զարգացումները, ինչպես նաև տարածաշրջանային «3+3» հարթակի շրջանակներում Թեհրանում անցկացված հանդիպման արդյունքները։
Ջեյհուն Բայրամովը նշել է, որ այն բանից հետո, երբ Ադրբեջանը հայկական անօրինական զինված ուժերի դեմ, որոնք, խախտելով պարտավորությունները, վերջին 3 տարիների ընթացքում չեն լքել ադրբեջանական հողերը՝ իրականացված հակաահաբեկչական միջոցառումների արդյունքում լիովին ապահովեց վերահսկողությունը իր ինքնիշխան տարածքների նկատմամբ, իրական շանսեր են հայտնվել, որքան հնարավոր է շուտ պայմանավորվել Հայաստանի հետ խաղաղության պայմանագրի շուրջ.
Նշվել է, որ ստեղծվել են բոլոր հնարավորությունները, որպեսզի Ղարաբաղի հայ բնակիչները ապրեն մեր երկրի տարածքում որպես Ադրբեջանի քաղաքացիներ, և նրանց վերաինտեգրման համար գործում է համապատասխան պորտալ։