Ադրբեջանն ու Ռուսաստանը հաստատել են զբոսաշրջության զարգացման ճանապարհային քարտեզը

Ադրբեջանի և Ռուսաստանի վարչապետներ Ալի Ասադովի և Միխայիլ Միշուստինի բանակցություններից հետո ստորագրվել է երկու երկրների միջև զբոսաշրջության զարգացման 2024-2026 թվականների ճանապարհային քարտեզը։

Ինչպես հայտնում է Caliber.Az-ը՝ հղում անելով ՏԱՍՍ-ին, փաստաթղթի տակ իրենց ստորագրությունն են դրել ՌԴ տնտեսական զարգացման փոխնախարար Վլադիմիր Իլյիչևը և Ադրբեջանի Զբոսաշրջության պետական գործակալության նախագահ Ֆուադ Նաղիևը։

Բացի այդ, բանակցությունների արդյունքում հաստատվել է երկու երկրների մշակույթի նախարարությունների համագործակցության ծրագիրը։ Այս փաստաթուղթը նույնպես նախատեսված է առաջիկա երկու տարիների համար։