Գորդոն. Հայաստանը կհամաձայնի, որ Ղարաբաղը Ադրբեջանի մասն է կազմում

«Այն մասին, որ Բախմուտը չի դիմադրի, և ժամանակն է դուրս գալ այնտեղից, գրում էին դեռ երկու ամիս առաջ։ Բայց Բախմուտը դեռ կանգուն է։ Ես վստահ եմ Ուկրաինայի հաղթանակում, և որ դրանից հետո ամբողջ աշխարհը կփոխվի»։

Այս մասին Caliber.Az-ի You-Tube-ալիքի եթերում հայտարարել է ուկրաինացի հայտնի լրագրող և հեռուստահաղորդավար Դմիտրի Գորդոնը ՝ զրուցելով լրագրող Սանան Ռզաևի հետ։

«Մեզնից յուրաքանչյուրը ծնվել է ոչ թե տառապանքի, այլ երջանկության համար: Ես կարծում եմ, որ մարդիկ պետք է բանակցեն, խուսափեն փակուղային խնդիրներից և փոխադարձ ընդունելի փոխզիջումներ գտնեն։ Հայաստանը կհամաձայնի, որ Ղարաբաղը Ադրբեջանի մասն է՝ ԽՍՀՄ ժամանակների սահմաններով, որոնք անսասան են։ Իմանալով Իլհամ Ալիևի իմաստությունը՝ վստահ եմ, որ Ադրբեջանն իր հերթին երաշխավորում է հարգանք Ղարաբաղի հայերի նկատմամբ, նրանց ազգային ինքնության ճանաչում։ Հայերն ու ադրբեջանցիները միմյանց նկատմամբ ատելություն չունեն, խաղաղության մեջ ապրելու ցանկություն ունեն։ Անբնական է, որ մարդիկ կռվեն»,- ասել է Գորդոնը: