Թուրքիայի պաշտպանական արդյունաբերության կոմիտեի ղեկավարը կայցելի Ադրբեջան

Թուրքիայի պաշտպանական արդյունաբերության կոմիտեի նախագահ Հալուք Գյորգյունը կայցելի Ադրբեջան։

Այս մասին Caliber.Az-ին հայտնել են Բաքվում Թուրքիայի դեսպանատանը։

Ըստ տեղեկությունների՝ այցը տեղի կունենա ապրիլի 1-2-ը։

Այցի շրջանակներում նախատեսված են Հալուկ Գյորգյունի հանդիպումները՝ Ադրբեջանի պաշտպանության նախարար Զաքիր Հասանովի, պաշտպանական արդյունաբերության նախարար Վուգար Մուստաֆաևի և պաշտպանության փոխնախարար Ագիլ Գուրբանովի հետ։