Հայաստանի գործերի ժամանակավոր հավատարմատարը կանչվել է ՌԴ ԱԳՆ

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ հոկտեմբերի 25-ին Մոսկվայում Հայաստանի գործերի ժամանակավոր հավատարմատարը կանչվել է ՌԴ ԱԳՆ։

Ինչպես հաղորդում է Gazeta.ru-ն, նրա խոսքերը մեջբերում է ՏԱՍՍ-ը։

«Հոկտեմբերի 25-ին Մոսկվայում Հայաստանի գործերի ժամանակավոր հավատարմատարը կանչվել է ՌԴ ԱԳՆ»,- հայտարարել է նա:

Նրա խոսքով՝ նրա ուշադրությունն են հրավիրել «օդիոզ հրապարակումների» վրա՝ ուղղված Ռուսաստանի ղեկավարությանը, ռուս դիվանագետներին և խաղաղապահներին։

«Ընդգծվել է հանրապետության տեղեկատվական տարածքում, հակառուսական անսանձ արշավի անընդունելիությունը»,- ընդգծել է Զախարովան։