Պակիստանը չեղարկել է վիզային վճարները Ադրբեջանի քաղաքացիների համար

Ադրբեջանն ու 125 այլ երկրներ այժմ կարող են անվճար վիզա ստանալ Պակիստան մեկնելու համար։

Այս մասին, ինչպես տեղեկացնում է Caliber.Az-ը, հայտնում է Visanews-ը։

Պակիստանի տեղեկատվության նախարար Աթաուլլահ Տարարը հայտարարել է, որ 126 երկրների, այդ թվում՝ Ադրբեջանի այցելուների համար էլեկտրոնային վիզաների (e-Visa) վճարները կչեղարկվեն, իսկ դիմելու գործընթացը զգալիորեն կպարզեցվի.

Նշվում է, որ 24 ժամվա ընթացքում այս երկրների քաղաքացիների համար 90-օրյա վիզա կտրամադրվի անվճար ինչպես զբոսաշրջության, այնպես էլ բիզնես նպատակներով։