Հուսեյն Հուսեյնով. 2025 թվականին նվազագույն աշխատավարձը կանխատեսվում է 400 մանաթ

2023 թվականին Ադրբեջանում ապրուստի նվազագույնը կազմել է 246 մանաթ, այս տարի՝ 270 մանաթ։ 2025 թվականին այս ցուցանիշը կանխատեսվում է 285 մանաթ, իսկ 2026 թվականին՝ 300 մանաթ։
 
Ինչպես հայտնում է Caliber.Az-ը, այս մասին ասել է  տնտեսության նախարարության կայուն զարգացման և սոցիալական քաղաքականության  բաժնի ղեկավար Հուսեյն Հուսեյնովը՝ խորհրդարանական երկու կոմիտեների՝ աշխատանքի և սոցիալական քաղաքականության և տնտեսական քաղաքականության, արդյունաբերության և ձեռներեցության կոմիտեների համատեղ նիստում։
 
Նա նշել է, ամեն տարի 16-20 մանաթով այդ բարձրացումները կշարունակվեն. «2023 թվականին կենսաթոշակառուների ապրուստի նվազագույնը կազմել է 199 մանաթ, իսկ 2028 թվականին նախատեսվում է այդ ցուցանիշը հասցնել 260 մանաթի։ Հաջորդ տարի երեխաների ապրուստի նվազագույնը կկազմի 246 մանաթ։ 2026-2028 թվականների կանխատեսումները կվերանայվեն՝ հաշվի առնելով հետագա տարիների գնաճի ցուցանիշները։ Նվազագույն աշխատավարձը՝ 345 մանաթ 2023 թվականին, պահպանվել է 2024 թվականին։ 2025 թվականին նվազագույն աշխատավարձը կանխատեսվում է 400 մանաթ։ Ապրուստի նվազագույնը և աշխատավարձի հարաբերակցությունը 120%-ից ավելի է»։