Ադրբեջանում ապահովագրական շուկան աճել է 9 տոկոսով

Ընթացիկ տարվա հունվար-հոկտեմբերին Ադրբեջանի 17 ապահովագրական ընկերությունների կողմից հավաքագրվել է 1 մլրդ 112,027 մլն մանաթի ապահովագրավճար։

Ինչպես հաղորդում է Caliber.Az-ը՝ հղում անելով Ադրբեջանի Կենտրոնական բանկին, դա 9,05%-ով ավելի է նախորդ տարվա նույն ժամանակահատվածի համեմատ։

Հաշվետու ժամանակահատվածում ապահովագրական ընկերություններից վճարումների ծավալը կազմել է 622,301 մլն մանաթ, ինչը 36,8%-ով ավելի է, քան մեկ տարի առաջ։

10 ամիսների ընթացքում յուրաքանչյուր 100 մանաթ ապահովագրավճարի դիմաց վճարումների չափը կազմել է 56 մանաթ։ Նախորդ տարվա նույն ժամանակահատվածում այդ ցուցանիշը կազմել է 44,6 մանաթ։