Որքա՞ն է վաստակել «Ազերկոսմոս»-ը

2024 թվականի հունվար-սեպտեմբերին «Ազերկոսմոս» ԲԲԸ-ի եկամուտը՝ արբանյակային և հեռահաղորդակցության ծառայությունների մատուցումից (50 երկրներ) կազմել է 13,9 միլիոն դոլար, հայտնում է Trend-ը։
 
Ադրբեջանի տնտեսական բարեփոխումների և հաղորդակցությունների վերլուծության կենտրոնի տվյալներով՝ ծառայությունների արտահանումից «Ազերկոսմոս» ԲԲԸ-ի եկամուտը կազմել է նրա ընդհանուր եկամտի 74 տոկոսը։
 
Նշվում է, որ միայն 2024 թվականի սեպտեմբերին Azərkosmos-ը 1,5 միլիոն դոլարի ծառայություններ է արտահանել 40 երկրներ։
 
Հաշվետու ժամանակահատվածում «Ազերկոսմոս»  ԲԲԸ-ն արբանյակային և հեռահաղորդակցության ծառայություններ է արտահանել՝ Մեծ Բրիտանիա (4,4 մլն դոլար), Լյուքսեմբուրգ (2,9 մլն դոլար), Արաբական Միացյալ Էմիրություններ (736,6 հազար դոլար), Թուրքիա (493,9 հազար դոլար) և Ռուսաստան (488,1 հազար դոլար):