TRACECA-ով բեռնափոխադրումների ծավալը 2024 թվականին կկազմի մոտ 7,5 միլիոն տոննա. Ասետ Ասավբաև

Միջին միջանցքը շատ պահանջված է, ամեն տարի գրանցվում է այդ երթուղով բեռնահոսքի դինամիկ աճ:

Այս մասին Caliber.Az-ին ասել է TRACECA-ի միջկառավարական հանձնաժողովի մշտականքարտուղարության գլխավոր քարտուղար Ասետ Ասավբաևը։

«Այսօրվա դրությամբ այս միջանցքը կայացած է։ Այսինքն՝ դրանով կարելի է բեռներ փոխադրել, և այս փուլում ունի բավարար բեռնաթողունակություն։ Այո, դա պահանջում է զարգացում, նեղ տեղերի ընդլայնում։ Հենց սրա վրա են աշխատում երկրները, կան ինտենսիվ քննարկումներ, լուծումների մշակում»,- ասել է նա։

Ասավբաևի խոսքով, մասնակից երկրների միջև ընդունվել է գործողությունների ծրագիր, որը նախատեսում է այդ երթուղու թողունակությունը հասցնել տարեկան 10 մլն տոննայի։

«Այս ցուցանիշին՝ 10 մլն տոննային, ինչպես հայտարարվել է, նախատեսվում է հասնել առաջիկա 2 տարում։ Այսինքն՝ 2025-2026 թվականներին: Օրինակ, այս տարվա 10 ամիսների ընթացքում Կասպից ծովով արդեն փոխադրվել է ավելի քան 6,4 մլն տոննա բեռ։ Ուստի տեսնում ենք, որ այս տարի ամենայն հավանականությամբ կհասնենք 7-7,5 մլն տոննայի»,- նշել է գլխավոր քարտուղարը։